அமெரிக்க ஜனாதிபதி தேர்தலில் போட்டியிடும் குடியரசு கட்சி வேட்பாளர் டொனால்ட் டிரம்ப் பகிரங்கமாக மன்னிப்பு கோரி அறிக்கை ஒன்றை வெளியிட்டுள்ளார்.
அமெரிக்க ஜனாதிபதி தேர்தல் வரும் நவம்பர் 8-ம் திகதி நடைபெறுகிறது. இதில் ஆளும் ஜனநாயக கட்சி சார்பில் ஹிலாரி கிளின்டனும், குடியரசு கட்சி சார்பில் டொனால்ட் டிரம்பும் மோதுகின்றனர்.
இந்நிலையில் கடந்த 2005-ம் ஆண்டில் பெண்கள் குறித்து டிரம்ப் ஆபாசமாக பேசிய வீடியோவை ‘வாஷிங்டன் போஸ்ட்’ பத்திரிகை இப்போது வெளியிட்டுள்ளது.
இந்த விவகாரம் குறித்து டிரம்ப் கூறியதாவது: நான் பெண்களை குறித்து பேசியதற்கு மன்னிப்பு கேட்டுக் கொள்கிறேன். அந்த வார்த்தைகளை அடிப்படையாக வைத்து என்னை மதிப்பிட வேண்டாம்.
நான் 100 சதவீதம் பரிசுத்தமான நபர் என்று கூறவில்லை. ஆனால் சிறந்த ஜனாதிபதியாக, குடிமகனாக இருப்பேன் என கூறியுள்ளார்.
