கொல்கத்தா டெஸ்டில் அபாரமாக வென்ற இந்திய அணி ஐசிசி டெஸ்ட் தரவரிசையில் மீண்டும் முதலிடத்துக்கு முன்னேறியுள்ளது. வரலாற்று சிறப்புமிக்க 500வது டெஸ்டாக அமைந்த கான்பூர் டெஸ்டில் 197 ரன் வித்தியாசத்தில் வென்ற இந்திய அணிக்கு, அடுத்து கொல்கத்தா ஈடன் கார்டன் மைதானத்தில் நடந்த 2வது டெஸ்ட் சொந்த மண்ணில் விளையாடும் 250வது டெஸ்ட் போட்டியாக அமைந்தது. இந்த சாதனை மைல்கல் போட்டியிலும் வென்று தொடரைக் கைப்பற்றினால், இந்தியா முதலிடத்துக்கு முன்னேறுவது உறுதி என ஐசிசி தெரிவித்திருந்தது.
இந்த நிலையில், ஈடன் கார்டனில் வெற்றியை வசப்படுத்திய கோஹ்லி தலைமையிலான இந்திய அணி, பாகிஸ்தானை பின்னுக்குத் தள்ளி மீண்டும் நம்பர் 1 அணியாக முத்திரை பதித்துள்ளது. கோஹ்லி கேப்டன் பொறுப்பேற்ற பிறகு இந்திய அணி ஒரு டெஸ்ட் தொடரி கூட இழக்கவில்லை என்பது குறிப்பிடத்தக்கது.
