ஐரோப்பிய கோப்பை கால்பந்து போட்டி: இறுதிப்போட்டிக்கு முன்னேறியது போர்ச்சுகல்
பிரசுரிக்கபட்ட திகதி: 07/07/2016 (வியாழக்கிழமை)
ஐரோப்பிய கோப்பை கால்பந்து போட்டிகள் பிரான்ஸ் நாட்டில் நடைபெற்று வருகின்றன. லயன் நகரில் நடைபெற்ற முதலாவது அரையிறுதி ஆட்டத்தில் போர்ச்சுக்கல் - வேல்ஸ் அணிகள் மோதின. இரு அணிகளும் கடுமையாக போராடியும் முதல் பாதி ஆட்டத்தில் கோல் எதுவும் போட முடியவில்லை.
இடைவேளைக்கு சற்று முன்னர் ரொனால்டோ கோல் அடிக்க முயன்றும் அந்த முயற்சி பலன் அளிக்கவில்லை. தனது அதிரடி ஆட்டத்தை வெளிப்படுத்திய ரொனால்டோ 50வது நிமிடத்தில் கோல் அடித்து வேல்ஸ் அணியை அதிர்ச்சியடைய வைத்தார். அரங்கத்தில் இருந்த ரசிகர்கள் இதனைக் கண்டு ஆரவாரம் செய்தனர். 53வது நிமிடத்தில் நானி கோல் அடித்தார். இதனால் போர்ச்சுக்கல் வீரர்கள் உற்சாகம் அடைந்தனர். வேல்ஸ் வீரர்கள் எவ்வளவோ போரடியும் ஆட்டம் முடியும் வரை ஒரு கோல் கூட அடிக்க முடியவில்லை. இதனால் 2 0 என்ற கணக்கில் போர்ச்சுகல் வெற்றி பெற்று இறுதிப்போட்டிக்கு முன்னேறியது. அப்போது பல்லாயிரக்கணக்கான ரசிகர்கள் போர்ச்சுகல் அணிக்கு ஆதரவாக முழக்கமிட்டனர்.
பிரான்ஸ் - ஜெர்மணி அணிகளுக்கிடையே இன்று நடைபெறும் ஆட்டத்தில் வெற்றி பெறும் அணியுடன், போர்ச்சுகல் இறுதி சுற்றில் மோத உள்ளது.
