ஆர்ஜென்டினா வீரர் மெஸ்சி ஓய்வு : தோல்வியின் பின்னர் அதிர்ச்சி அறிவிப்பு
பிரசுரிக்கபட்ட திகதி: 27/06/2016 (திங்கட்கிழமை)
கோபா அமெரிக்க கால்பந்து தொடரில் தோல்வியடைந்ததை தொடர்ந்து ஆர்ஜென்டினா அணியின் ஜாம்பவானான லயனல் மெஸ்சி, சர்வதேச கால்பந்து போட்டிகளிலிருந்து ஓய்வு பெறவுள்ளதாக அறிவித்துள்ளார். இதனால் கால்பந்தாட்ட ரசிகர்கள் அதிர்ச்சியடைந்துள்ளனர்.
கோபா அமெரிக்கா கிண்ணத் தொடரில் நேற்று இடம்பெற்ற சிலிக்கு எதிரான இறுதிப் போட்டியில் பெனால்டி கார்னர் வாய்ப்பு முறையை அவர் தவறவிட்டமையினாலே ஆர்ஜென்டினா அணி தோல்வியடைந்தது.
இதனால் விரக்தியடைந்த மெஸ்சி இன்று ஓய்வு முடிவை அறிவித்துள்ளார்.
ஓய்வு தொடர்பாக மெஸ்சி கருத்து தெரிவிக்கையில்,
சிலியுடன் நடந்த போட்டியை நம்பவும் முடியவில்லை. நம்பாமல் இருக்கவும் முடியவில்லை. எனது ஓய்வு முடிவு அனைவருக்கும் பயன் உள்ளதாக இருக்கும் என நம்புகிறேன். பலர் விரும்பியதால் ஓய்வு முடிவை அறிவித்துள்ளேன் என்றார்.
ஆர்ஜென்டினா அணிக்காக 112 போட்டிகளில் விளையாடியுள்ள மெஸ்சி, 55 கோல்கள் அடித்துள்ளமை குறிப்பிடத்தக்கது.
