முறிகண்டியில் டிப்பர் மீது மோதியது ரயில்! - ஒருவர் படுகாயம்

முறிகண்டியில் இன்றுகாலை ரயில் கடவையில் இடம்பெற்ற விபத்தில், ஒருவர் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளார். அக்கராயன் பகுதியிலிருந்து மணல் ஏற்றிச் சென்ற டிப்பர் வாகனம், அக்கராயன் - முறிகண்டி பிரதான வீதியில் உள்ள, ரயில்கடவையை கடக்க முற்பட்ட போது, யாழ்ப்பாணத்தில் இருந்து கொழும்பு நோக்கி பயணித்த ரயில் மோதியது.

இதன்போது டிப்பர் வாகனத்தை செலுத்திய சாரதி படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளார். டிப்பர் வாகனம் கடும் சேதமடைந்ததுள்ளது. விபத்து தொடர்பிலான மேலதிக விசாரணைகளை மாங்குளம் பொலிஸார் முன்னெடுத்து வருகின்றனர்.