ஐரோப்பிய கால்பந்து: இங்கிலாந்து, வேல்ஸ் அணிகள் நாக்அவுட் சுற்றுக்கு முன்னேற்றம்

ரோப்பிய 15-வது ஐரோப்பிய கோப்பை கால்பந்து போட்டியில் இங்கிலாந்து, வேல்ஸ் அணிகள் நாக்அவுட் சுற்றுக்கு முன்னேற்றம் அடைந்துள்ளன. கால்பந்து இங்கிலாந்து, வேல்ஸ் அணிகள் நாக்அவுட் சுற்றுக்கு முன்னேற்றம் ரஷியா வெளியேற்றம்

15-வது ஐரோப்பிய கோப்பை கால்பந்து போட்டி (யூரோ) பிரான்சில் நடைபெற்று வருகிறது.
‘பி’ பிரிவில் கடைசி ‘லீக்’ ஆட்டம் நேற்று நடந்தது. இதில் இங்கிலாந்து - சுலோவாக்கியா அணிகள் மோதின.
ஆட்டத்தின் இறுதி வரை இரு அணிகளும் கோல் எதுவும் போடவில்லை. இதனால் 0-0 என்ற கணக்கில் ஆட்டம் ‘டிரா’ ஆனது. இங்கிலாந்து வீரர்கள் கோல் அடிக்கும் பல வாய்ப்புகளை வீணடித்தனர். இதேபோல சுலோ வாக்கியா வீரர்களும் வாய்ப்புகளை கோலாக மாற்ற தவறினர்.

இதே பிரிவில் நடந்த மற்றொரு ஆட்டத்தில் வேல்ஸ் - ரஷியா அணிகள் மோதின. இதில் ரஷியா 0-3 என்ற கோல் கணக்கில் மோசமாக தோற்று போட்டியில் இருந்து வெளியேற்றப்பட்டது.

வேல்ஸ் அணியில் ஆரோன் ராம்ஷே (11-வது நிமிடம்), டெய்லர் (20-வது நிமிடம்), பாலே (67-வது நிமிடம்),கோல் அடித்தனர்.

‘பி’ பிரிவில் வேல்ஸ் அணி 2 வெற்றி, ஒரு தோல்வியுடன் 6 புள்ளிகள் பெற்று முதலிடத்தையும், இங்கிலாந்து 1 வெற்றி, 2 டிராவுடன் 5 புள்ளிகள் பெற்று 2–வது இடத்தையும் பிடித்தன. முதல் 2 இடங்களை பிடித்த வேல்ஸ், இங்கிலாந்து அணிகள் 2வது சுற்றுக்கு முன்னேறி யுள்ளன.

சுலோவாக்கியா 1 வெற்றி, 1 டிரா, 1 தோல்வியுடன் 4 புள்ளிகள் பெற்று 3-வது இடத்தை பிடித்தது. அந்த அணி மற்ற பிரிவுகளில் 3-வது இடத்தை பிடிக்கும் அணிகளின் முடிவுக்காக காத்திருக்கிறது.

தற்போதுள்ள நிலையில் சுலோவாக்கியா முன்னிலையில் இருக்கிறது. இதனால் வாய்ப்பை பெறுமா? என்று எதிர்பார்க்கப்படுகிறது. 6 பிரிவுகளில் உள்ள 3-வது இடத்தை பிடிக்கும் 6 அணிகளில் இருந்து ‘டாப் 4’ அணிகள் ‘நாக் அவுட்’ சுற்றுக்கு முன்னேறும். ரஷியா 1 டிரா, 2 தோல்வியுடன் 1 புள்ளிகள் பெற்று ‘பி’ பிரிவில் கடைசி இடத்தை பிடித்து வெளியேறியது.

இன்று நடைபெறும் ஆட்டங்களில் ‘சி’ பிரிவில் உள்ள உக்ரைன் - போலந்து, ஜெர்மனி - வடக்கு அயர்லாந்து அணிகள் மோதுகின்றன. ஜெர்மனி போலந்து அணிகள் தலா 4 புள்ளியுடனும், வடக்கு அயர்லாந்து 3 புள்ளியுடனும் உள்ளன. உக்ரைன் புள்ளி எதுவும் பெறவில்லை.