இலங்கைக் கால்பந்து சம்மேளனம் நடத்தும் கார்கில்ஸ் புட்சிட்டி எவ்.ஏ. கிண்ணத் தொடரின் 7ஆவது சுற்றுப் போட்டிகள் அதாவது 32 அணிகள் சுற்று இன்று ஆரம்பமாகின்றது. இந்தப் போட்டிகள் தொடர்ந்து, 24, 30, மே 1ஆம் திகதிகளில் நடைபெறவுள்ளன.
2015ஆம் ஆண்டு நவம்பர் மாதம் ஆரம்பமான 2015 மற்றும் 2016ஆம் ஆண்டுக்கான எவ்.ஏ. கிண்ணக் கால்பந்தாட்ட தொடர் தற்போது பல சுற்றுக்களைத் தாண்டி 32 அணிகள் மோதும் சுற்றுவரை நகர்ந்திருக்கிறது. இந்தத் தொடரில் மொத்தம் 508 கழக அணிகள் பங்குபற்றியிருந்தன. இதில் தற்போது 32 அணிகள் 7ஆவது சுற்றுக்கு தெரிவாகியுள்ளன.
இதில் யார் யார் மோதுவது என்பதை தீர்மானிக்கும் போட்டிகளுக்கான குலுக்கல் இலங்கை கால்பந்தாட்ட சம்மேளனத்தின் அனுசரணையாளர்கள், கழகங்களின் பிரதிநிதிகள் முன்னிலையில் கடந்த புதன்கிழமை நடைபெற்றது.
508 அணிகளுக்கிடையில் நடைபெற்றுவந்த இந்தத் தொடரின் 478ஆவது போட்டியிலிருந்து 7ஆவது சுற்று ஆரம்பிக்கிறது. இதில் குலுக்கல் முறையில் மோதும் அணிகள் தெரிவுசெய்யப்பட்டன. அதன்படி கொலம்போ எவ்.சி. எதிர் ரெட் ஸ்டார், நியூ ஸ்டார் எதிர் ஜெட் லைனர்ஸ், சென். ஜோசப் எஸ்.சி.மன்னார் எதிர் சுப்பர் சன், அப்கன்ட்ரி லயன்ஸ் எதிர் ஹைர்லி எஸ்.சி, சொலிட் எதிர் கிருலப்பனை யுனைட்டட், இலங்கை விமானப்படை அணி எதிர் நிகம்போ யூத், ஹைலண்டர்ஸ் எதிர் பிரில்லியன்ட் எஸ்.சி, இலங்கை இராணுவ அணி எதிர் நந்திமித்ர எஸ்.சி. அணிகள் மோதுகின்றன.
486 ஆவது போட்டியிலிருந்து மோதும் அணிகளாக கடற்படை அணி எதிர் நியூ யங்கர்ஸ், ரெனெளன் எஸ்.சி எதிர் களுத்தரை பார்க், ஜாவா லேன் எதிர் கிறிஸ்டல் பெலஸ், சௌன்டர்ஸ் எதிர் கொமர்டெஸ் பதுளை, சிங்கிங் விஷ் யாழ்ப்பாணம் எதிர் பெலிகன்ஸ் குருணாகலைஇ இலங்கை பொலிஸ் எதிர் லிவர் பூல், புளூ ஸ்டார் எதிர் சென் நிக்கலஸ் ஆகிய அணிகள் மோதுகின்றன.
இந்தப் போட்டிகளில் விறுவிறுப்புக்கு பஞ்சமிருக்காது என்று எதிர்பார்க்கப்படுகிறது.
