ஐ.பி.எல் கிரிக்கெட்டில் கொல்கத்தாவை வீழ்த்தி பெங்களூரு அணி 6-வது வெற்றி பெற்றது. டி வில்லியர்ஸ் 31 பந்துகளில் 59 ரன்கள் எடுத்து 5 பவுண்டரி, 3 சிக்சர்களை விளாசி களத்தில் இருந்தார். இந்த போட்டியின் போது கொல்கத்தா வீரர் மனிஷ் பாண்டே கொடுத்த கேட்ச்சை டி வில்லியர்ஸ் பிடித்தார். நடப்பு தொடரில் டி வில்லியர்சின் 14வது கேட்ச் இதுவாகும்.
இதன் மூலம் ஒரு சீசனில் அதிக கேட்ச் செய்த பீல்டர்களான டேவிட் மில்லர் (பஞ்சாப் அணிக்காக 2014ம்ஆண்டில் 14 கேட்ச்), வெய்ன் பிராவோ (சென்னை அணிக்காக 2013ம் ஆண்டில் 14 கேட்ச்)ஆகியோரின் சாதனையை டி வில்லியர்ஸ் சமன் செய்துள்ளார். டிவில்லியர்ஸ் இதுவரை 11 போட்டிகளில் விளையாடி 538 ரன்களைக் குவித்துள்ளார். இதில் நான்கு அரை சதமும், ஒரு சதமும் அடக்கம்.
