யாருக்கு ஓட்டு போட வேண்டும்: சகாயத்தின் வேண்டுகோள்

அரசியலுக்கு வரமாட்டரா என்று இளைஞர்களால் எதிர்பார்க்கப்பட்டு வந்த ஐஏஎஸ் அதிகாரி சகாயம், எதிர்வரும் சட்டமன்ற தேர்தலில் யாருக்கு, எப்படிபட்ட வேட்பாளர்களுக்கு மக்கள் ஓட்டு போட வேண்டும் என கூறியுள்ளார்.

சென்னையில் நிருபர்களிடம் பேசிய சகாயம்,ஒரு பழமொழி உண்டு உன்னுடைய நண்பனை காட்டு நீ யார் என்று சொல்கிறேன் என்று சொல்வார்கள்.

உன்னுடைய பிரதிநிதியை காட்டு, நீ எப்படிபட்ட பண்பாலனாய் இருப்பாய் என்று சொல்லக்கூடிய அளவிற்கு உயர்ந்த பண்புடையவர்களை நேர்மையானவர்களை நம்முடைய மக்கள் தேர்வு செய்ய வேண்டும்.

அத்தகைய நேர்மையான தலைவர்களை பார்த்து நம்முடைய சமூகம் நேர்மையானது என்று மாற்றவர்கள் சொல்ல வேண்டும் என்று நான் குறிப்பிட விரும்புகிறேன்.

ஓட்டு என்பது ஒரு வலிமையான ஆயுதம் அதை மிக சரியாக பயன்படுத்த வேண்டும் என்று நான் சொல்லிக்கொள்ள ஆசைப்படுகிறேன்.

யாவருக்கு வேண்டுமானாலும் ஓட்டு போடுங்கள், ஒரு காலமும் தவறுக்கு போடாதீர்கள் என்ற செய்தியை மீண்டும் சொல்கிறேன் என கூறியுள்ளார்.