வீடு திரும்பியுள்ள பிர்த்தானிய பிரதமர் போரிஸ் ஜோன்சன் வெளியிட்ட நெகிழ்ச்சி வீடியோ

பிரித்தானியா பிரதமர் போரிஸ் ஜோன்சன்(55) கொரோனா வைரஸின் தொடர் அறிகுறி காரணமாக கடந்த 5-ஆம் திகதி மத்திய லண்டனில் இருக்கும் St Thomas மருத்துவமனையில் அனுமதிக்கப்பட்டார்.

அதன் பின் 6-ஆம் திகதி தீவிர சிகிச்சை பிரிவுக்கு மாற்றப்பட்ட அவர், 9-ஆம் திகதி வரை அங்கிருந்தார். இதையடுத்து அவசர சிகிச்சை பிரிவில் இருந்து சாதரண வார்டுக்கு மாற்றப்பட்ட பிரதமர் இன்று வீடு திரும்பினார்.

கொரோனாவால் பாதிக்கப்பட்டு மருத்துவமனையில் சிகிச்சை பெற்று வந்த அவரின் எந்த ஒரு புகைப்படமோ, வீடியோவோ வெளியாகமல் இருந்த நிலையில், தற்போது அவர் வீடியோ ஒன்றை வெளியிட்டுள்ளார்.

அதில், ஜோன்சன், என் உயிரைக் காப்பாற்றுவதற்காக என்ஹெச்எஸ் ஊழியர்கள் செயல்பட்ட விதம், வார்த்தைகளால் விவரிக்க முடியாது.

இந்த நாடு முழுவதும் மில்லியன் கணக்கான மக்கள் வீட்டிலேயே இருக்க முயற்சிப்பது மதிப்புக்குரியது. பல சவால்களை நாம் வென்றுள்ளதால், ஒன்றாக இந்த சவாலையும் நாம் சமாளிப்போம் என்று கூறியுள்ளார்.

மேலும், தன்னை கவனித்துக்கொண்ட செவிலியர்கள்(ஆண், பெண்) என பலரின் பெயரை குறிப்பிட்டு நன்றி தெரிவித்தார்.

அவர்களில், நியூசிலாந்தைச் சேர்ந்த Jenny McGee மற்றும் போர்ச்சுகலைச் சேர்ந்த Luis Pitarma ஆகியோரின் பெயரை குறிப்பாக குறிப்பிட்டு, இவர்கள் 48 மணி நேரம் தனது படுக்கைக்கு அருகில் நின்று கவனித்து கொண்டனர்.

இதன் முடிவில் என் உடல் போதுமான ஆக்ஸிஜனைப் பெற முடிந்தது. இரவின் ஒவ்வொரு நொடியும் அவர்கள் கவனித்து கொண்டிருக்கின்றனர். யோசித்துக்கொண்டிருந்தார்கள், அக்கறையுடன் பார்த்து வருகின்றனர்.

இதில் பேசும் போது, ஜோன்சன் வழக்கம் போல் ஒரு சூட் மற்றும் டை அணிந்து தனது வழக்கமான உற்சாகமான முறையில் பேசினார்.

கடந்த மார்ச் 23-ஆம் திகதி முதல் கடுமையான சமூக விலகல்களை பின்பற்றும் படி நாட்டு மக்களுக்கு அறிவுறுத்தப்பட்டிருந்தது. இது மிகவும் கடின்ம் தான் இருப்பினும், அதை மக்கள் பின்பற்றுவதன் மூலம் பலனளிப்பதாகவும், இதனால் மக்களுக்கு நன்றி தெரிவிப்பதாகவும் கூறினார்.

தொடர்ந்து நாம் இதில் இருந்து வெல்வோம், அனைத்து சுகாதார ஊழியர்களுக்கும் நன்றி, அவர்களை நாம் பாதுகாப்போம், சமூகவிலகல்களை கடைபிடிப்போம், விதிமுறைகளை பின்பற்றுவோம், இனிய ஈஸ்டர் திருநாள் வாழ்த்துக்கள் என்று குறிப்பிட்டு முடித்தார்.